Sorglegt - ég óska þess innilega að fólk í sjálfsvígshugleiðingum leiti sér hjálpar!

Alltaf hræðilega sorglegt þegar fólk tekur líf sitt. Það er ljóst að það þarf meira en tap í fótboltaleik til að menn taki slíkar ákvarðanir. Að baki hverju sjálfsvígi er líklega örvæntingarfull þjáning sálarinnar - svo mikil að fólk upplifir að það þoli ekki meira. Oft þarf svo bara eitthvað sem "triggerar" til að skrefið sé stigið.

Ég óska þess innilega að þeir sem íhuga slíkt leiti sér hjálpar því það er hægt að fá hjálp- og oft er hamingjan handan við hornið! Eftir langa nótt kemur bjartur dagur og sólin fer að skína!

Framdi sjálfsmorð eftir tap Brasilíu

Athugasemdir

[Brynjar Jóhannsson, 2.7.2010 kl. 23:17]

Félagi minn bendi mér á að  þetta var á Haiti og þar gerðust hamfarir.

Mér finnst þessi frétt fáranleg í alla staði.. þessi maður á bara að fá að hvílast í friði en ekki að vera í kastljósi heimspressunar. Fólk fremur sjálfsmorð á hverjum degi vegna ýmissa ástæðna án þess að það rati í heimspressuna.

[Brynjar Jóhannsson, 2.7.2010 kl. 23:18]

Í þeim hamförum létust 300 þúsund mans og það er búið að vera mjög erfitt að búa þar undanfarið út af þeim ástæðum. Þetta er fátækt land með litla von og því líkegt að þetta hafi verið dropinn sem fyllti mælinn.

[Anna Dóra Gunnarsdóttir, 3.7.2010 kl. 02:08]

Þessir andskotans lúðrar sem þeyttir eru endalaust á HM gætu allt eins verið sá dropi sem fyllir mæli hjá einhverjum, séu þeir tæpir fyrir. Ég man ekki annað eins ógeð nokkurs staðar í tengslum við kappleiki.

[Sigurður Þór Guðjónsson, 3.7.2010 kl. 07:55]

Málið ratar einmitt í heimsfréttirnar af því að það tengist heimsmeistaramótinu. En því miður er hamingjan sjaldnast handan við hornið þó fólk fremji ekki sjálfsvíg í erfiðleikum. Mörgu fólki líður illa lengi þó það haldi áfram að lifa. Hamingjan er sjaldgæft fyrirbæri.

[Guðrún Soffía Gísladóttir, 3.7.2010 kl. 12:13]

Jebb Brynjar - lífið er örugglega ekki létt á Haíti og sennilega margir með áfallastreituröskun og ýmsar geðraskanir í kjölfar mikils álags eftir hamfarirnar.

Ég er sammála því að þessi lúðrablástur er ógeð Anna Dóra!

Sigurður, það fer allt eftir því hvernig við skilgreinum hamingjuna. Hamingjan getur verið það að ná tökum á hversdagsleikanum og sjálfum sér. Hamingjan getur verið það að læra að njóta augnabliksins þó að lífið sé í sjálfu sér sjaldan auðvelt. Fyrir þann sem þjáist af kvíða eða þunglyndi getur hamingjan verið að fá að lifa án þeirrar þjáningar. Það hefur mörgum tekist með bæði með og án aðstoðar sérfræðinga.

[Sigurbjörg Sigurðardóttir, 4.7.2010 kl. 01:29]

Mannskepnan er óreiknaleg,við vitum aldrei viðbrögðinn.Þetta með sjáfsmorðinn í Brasíliu eru mjög algeng varðandi fóboltadírkun í favelas hverfum,sem eru þau fátækustu.Þetta á ekki að koma á óvart ef maður þekkir til.( geta verið villur er ekki klár í islenkri skrift)